Тренинги «Хизматрасонии иҷтимоӣ барои ШВЗ» дар шаҳри Қӯрғонтеппа баргузор гардид.

 МАЪЛУМОТНОМА

Тренинги «Хизматрасонии иҷтимоӣ барои ШВЗ» дар шаҳри Қӯрғонтеппа баргузор гардид.

17 ноябри соли 2017 дар шаҳри Қӯрғонтеппа тренинг дар мавзӯи «Хизматрасонии иҷтимо барои шахсоне, ки бо ВНМО зиндагӣ мекунанд (ШВЗ)» барои 22 кормандони иҷтимоӣ ва мушовирони баробар баргузор гардид.

Дар рафти тренинг иштирокчиён бо  усулҳои амалии мусоидат ба ШВЗ дар мустахкамкунии пайравӣ  ба табобати зидди ретровирусӣ (ТЗР) ва барқарор намудани табобат  тавассути машварат, ҳавасмандгардонӣ ва мусоидат дар  ҳалли мушкилотҳои афзалиятноки иҷтимоӣ ва ҳуқуқӣ, инчунин бо алгоритми барномаи хизматрасонии иҷтимоӣ барои ШВЗ ва  беморони Сил/ВНМО, пешкаш намудани хизматрасониҳои машваративу иттилоотӣ дар асоси шабакаи шарикон ва таъсиси гурӯҳҳои худрасон шинос шуданд. Маълумот дар шакли интерактивӣ, нақшбозӣ ва  бозиҳо пешкаш  карда шуд.

«Дар тренинги имрӯза, ман фаҳмидам, ки дар тӯли чанд сол ман бо мизоҷони худ муносибати нодуруст мекардам.  Ҳамчун табиб, ман барои табобати мизоҷ масъулиятро ба дӯши худ  мегирифтам. Акнун ман мефаҳмам, ки бемор/мизоҷи барнома бояд аҳамияти табобатро худаш дарк намояд ва қарор  оиди гирифтани табобат  худаш қабул кунам. Ва ман ҳамчун корманди иҷтимоӣ бояд ба мизоҷ ин роҳро нишон дода ба қабул намудани қарори мустақилона ҳамгироӣ намоям» - мубодилаи афкор кард директори Маркази ВНМОи ш.  Ёвон,  Алифов Ҷаҳонбек.

Тренинги   «Хизматрасонии иҷтимоӣ барои ШВЗ» аз ҷониби ТҶҶ «СФШҒ-Тоҷикистон» дар доираи лоиҳаи  «Мустаҳкамкунии шароити мусоид ва васеъ намудани миқёси чорабиниҳои профилактикӣ, табобат ва нигоҳубин барои нигоҳ доштани паҳншавии эпидемияи ВНМО дар Ҷумҳурии Тоҷикистон», ки аз тарафи  БРСММ дар Ҷумҳурии Тоҷикистон дастгирӣ карда мешавад ва лоиҳаи «Коҳиши норасоӣ дар соҳаи тандурустӣ ва хуқуқҳо барои гурӯҳҳои осебпазири аҳолӣ -2.0», ки  аз тарафи Вазорати корҳои хориҷии Нидерландия маблағгузорӣ карда мешавад, ташкил карда шуд.

• Қаблӣ
• Баъдӣ