1-ӯми декабри соли 2017 дар се шаҳри Тоҷикистон ҳуҷраи хизматрасонии машварати ихтиёрии то-тестӣ ва тесткунонии фаврӣ дар назди ташкилотҳои ҷамъиятӣ кушода шуданд.

МАЪЛУМОТ

1-ӯми декабри соли 2017 дар се шаҳри Тоҷикистон ҳуҷраи хизматрасонии машварати ихтиёрии то-тестӣ ва тесткунонии фаврӣ дар назди ташкилотҳои ҷамъиятӣ кушода шуданд.

Маросими расмӣ оид ба оғози хизматрасонии машварати ихтиёрии то-тестӣ ва тесткунонии фаврии ВНМО (МИТ) дар назди ташкилотҳои ҷамъиятии «Вита», «СВОН Плюс» ва «Амали нек» гузаронида шуд.

Дар чорабинӣ 62 нафар намояндагони Мақомотҳои иҷроияи ҳокимияти давлатии шаҳри Душанбе, Кӯлоб ва Хуҷанд, Марказҳои ҷумҳуриявӣ ва минтақвии пешгирӣ ва мубориза бар зидди бемориҳои вируси норасоии масунияти одам, мониторинг ва пешгири нашъамандӣ, солими репродуктивӣ, мутахассисони марказҳоибемориҳои нашъамандӣ, ҳимоя аҳолӣ аз бемории сил, ташкилотҳоиҷаъиятӣ ва гурӯҳҳои осебпазири аҳолӣ аиштирок намуданд.  

Дар рафти чорабинӣ иштирокчиён тавонистанд аз таҷрибаи ташкили ҳуҷраи хизматрасонӣшинос шуда, аз машваратдиҳӣ ва тесткунонии ихтиёрии фаврӣ оиди ВНМО истифода баранд.     

Чорабинии мазкур бо сарпарастии  Раёсатҳои тандурустӣ ва ҳифзи иҷтимоии аҳолии мақомоти иҷроияи ҳокимияти давлатӣ ва Маркази ҷумҳуриявии пешгирӣ ва мубориза бар зидди бемориҳои вируси норасоии масунияти одам гузаронида шуд.           

Таъмир, таъминоти ҳуҷраи МИТ бо таҷҳизоти техникӣ ва омӯзиши  кормандони ташкилотҳои ҷамъиятӣ бо дастгирии Ташкилоти ҷамъиятии ҷумҳуриявии «СФШҒ-Тоҷикистон» дар доираи лоиҳаи «Коҳиши норасоӣ дар соҳаи тандурустӣ ва ҳуқуқ барои гурӯҳҳои осебпазири аҳолӣ-2.0», ки аз тарафи Вазорати корҳои хориҷии Нидерландия маблағгузорӣ карда мешавад, амалӣ карда шуд.

Аксҳо аз ҷорабинии мазкур дар сомонаи http://www.afew.tj/tg/gallery/455-nuktahoimitnazditj.html дастрас мебошанд.

Маълумот: Нуқтаи якуми хизматрасонии машварати ихтиёрии то-тести ва тесткунонии фаврии ВНМО аз 1-ӯми декабри соли 2016 фаъолиятро дар назди Намояндагии ТҶҶ «СФШҒ-Тоҷикистон» дар вилояти Хатлон оғоз намуд. 

• Қаблӣ
• Баъдӣ