Хуш омадед ба сомонаи www.afew.tj – портали иттилоотии тиббӣ, ки дар он Шумо метавонед иттилооти лозимаро оид ба ВНМО/БПНМ, ҳепатитҳои вирусӣ, бемории сил, вобастагӣ аз нашъамандӣ, сироятҳои тавассути алоқаи ҷинсӣ интиқолёбанда (САҶИ) ва бемориҳои пӯст дастрас намоед.

Дар фасли «Хламидиоз»

Дар инсон ин сироят одатан аз ҷониби бактерияе пайдо мешавад, ки «хламидия трахоматис» ном гирифтааст. Хламидияҳо дар муҳити берун бениҳоят ноустувор мебошанд.

Дар организми инсон хламидияҳо танҳо дар пардаҳои луобӣ ҷойгир шуда метавонанд, ки тавассути онҳо сироят бе ҳеҷ як душворӣ паҳн мешавад. Нишондиҳандаҳо дар бораи имконияти воридшавӣ ба хун, сафро ва дигар моддаҳои организм мавҷуд нест, сирояти хламидиӣ махсусан ба системаи олоти таносул ва масона осеб мерасонад, гарчанд эҳтимол авҷ гирифтани илтиҳоби пардаи луобии чашмон, роҳҳои нафас, пайвандҳо пайдо шавад. Ҳам мардон ва ҳам занон зуд-зуд ба бемории хламидиоз гирифтор мешаванд. 

Давраи ниҳонӣ аз 5 то 30-рӯзро дар бар мегирад. Ҷудогона ин сироят ниҳоят кам дар кам дида мешавад, аксар вақт вай бо дигар САЧИ якҷоя ҷараён мегирад, дар навбати аввал бо трихомоноз. 

Одатан сирояти хламидиӣ бидуни аломатҳои зоҳирӣ ҷараён мегирад. Дар мардон ин беморӣ дар 1/3 ҳолатҳо боиси осебёбии нерӯмандии ҷинсӣ (сустшавии эрексия, оргазм, пеш аз мӯҳлат хориҷшавии нутфа), безурриётӣ мегардад, ки чӣ дар натиҷаи илтиҳоби узвҳои дохилии таносул ва чӣ вайроншавии ҷараёни ташаккулёбии ҳуҷайраҳои манӣ ба вуҷуд меояд. Илтиҳоби ғадуди олоти таносули мард ва хояҳо дар 46% беморон мушоҳида карда мешавад. 

Дар занон ҳангоми амали алоқаи ҷинсӣ хламидияҳо ба нутфа (сперматозоид) часпида, метавонанд на танҳо ба нойҳои бачадон рафта расида қабзияти онҳоро ба миён оранд, балки ковокии шикамро низ фаро мегиранд, ки ин ҳолат боиси сарзании бемориҳои узвҳои дохилӣ: ҷигар, испурч, пардаи шикам ва хуруҷи раванди илтиҳобӣ мегардад. Аксар вақт хламидиоз сабаби ҳомиладории патологӣ ва таваллуд мегардад.

Хламидиоз дар чашмҳои калонсолон одатан ҳангоми гузариши сироят аз узвҳои таносул ва масона сарзада, бисёр вақт аломати нахустини беморӣ дар шахс ва ё шарики алоқаи ҷинсии вай мебошад.

Аломатҳои хламидиоз: ҳиссиёти нофорам, кам дар кам хориш, дард дар роҳи пешоб ва ё маҳбал, тарашшӯҳи на он қадар зиёд аз узвҳои таносул, ки ба ширеш монандӣ дорад ва эҳтимол зиёдшавии пешобронӣ. Ҳамаи ин зуҳурот одатан кӯтоҳмуддат буда, лекин метавонанд такрор ёбанд.




Саволҳо ва ҷавобҳо

Мушовирони мо

Қурби асъор аз БМТ

11.12.2018
USDUSD9.42TJSTJS
EUREUR10.76TJSTJS
RUBRUB0.14TJSTJS
© 2013 - 2018 СФШҒ-Тоҷикистон"
Маъмурияти сомона ба Шумо хизматрасониҳое, ки дар доираи шартҳои Низомномаи мазкур дарҷ ёфтааст, пешниҳод менамояд. Ҳама маводҳои дар сомонаи www.afew.tj нашр шуда танҳо хусусиятҳои иттилоотӣ доранд. СФШҒ- Тоҷикистон, ки доранда ва ташкилкунандаи сомонаи мазкур мебошад, барои истифодаи маводҳое, ки дар манбаъаи иттилоотии сомона пешниҳод шудааст, ҷавобгарӣ надорад. Тавсияҳои мутахассисони тиббӣ ва коршиносон, ки дар сомонаи мазкур ҷойгир шудаанд, таъиноти духтур шуморида намешаванд. Меҳмонони сомона ҳамаи хатарҳоро вобаста ба истифодаи маълумот ва тавсияҳои коршиносон ба зиммаи худ қабул менамоянд. Ҷавобгарӣ барои оқибатҳое, ки бевосита ё бавоситаи истифодабарии иттилоот ё тавсияҳое, ки дар сомонаи www.afew.tj ҷойгир шудаанд, ба вуҷуд омадаанд, дар ҳеҷ як ҳолат ва шароит ба зиммаи доранда ва ташкилкунандагони сомона гузошта намешавад ва асос барои таъқиботи судӣ шуда наметавонад. Маъмурияти сомона ҷавобгарӣ барои ташриф ва аз ҷониби меҳмон истифодаи захираҳои беруна ва пайвандҳо, ки дар сомона ҷойгир шудаанд, надорад. Маводҳои сомона танҳо барои мақсадҳои ғайритиҷоратӣ истифода бурда мешаванд ва бо ин сабаб истифодаи тиҷоратии онҳо манъ аст.
Development by: UmedSharipov